توصيف شوارع الهجوله بالمملكه ارجو التثبيت

بـــســـم الـــلـــه الـــرحـــمـــن الـــرحـــيـــم
الشـــــــــــــــــــمـــــــــــــــال:
العمــــــــــــــــــــــــاريــه :
امسك الدائري الشمالي حتى يصير مخرج 7(مخرج جامعة الامام)خلفك ومخرج 6 خلفك ومخرج 5(مخرج مدارس المملكة)خلفك ثم تجيك لوحة تقول القصيم يمين اطلع يمين وامسك خط القصيم ثم اطلع الجسر ثم يجيك اول مخرج ادخل مع المخرج يمين ثم بتجيـك اشاره الدفاع
اطلـع يســار ومشـي لين تجيك اشاره غمازه تعداها انت الأن بشـارع العمــاريه ..
البـــــــركســــــــــــــات :
وانت ماشي بالدائـري الشمــال تتعـدى مخـرج 7 و 6 ومـع مخـرج 5 تطلع معه يمين يجيك على اليمين سووق (( لي مول ))
ابتـل لين اخر الشـارع هـذا هو البركســات ..
البحـ( المطفوق)ـري الجـديد :
وأنــت ماشي مع البحري القديم خذ الاشاره وديور (( اتجاهك جنوب)) الاشاره الأولى تعداها الأشاره الثانيه
تتقاطـع مع طريـق (( المــلك عبــدالله )) امـش على طول بيجيك على يمينك مسجد العويضـه وتموينـات ثمـار
امش لأخر الشارع هذا البحري الجديد ..
دايــــــري الدرعيــــه :
وانت ماسك الدائري جاي من الشرق راح يجيك مخرج 7 بعدين6 بعدين 5 اتركهم سيــد على طووووووووووووول تجيك لوحه نهاية الطريق على طوول هذا دايري المنقطع لاترووح معه خلك مع المخرج اللي يمين ويجيك مخرجين اطلع مع مخرج الكليه سيد شووي .. هذا دايــري الدرعيــه ..
..
شــــارع حـــايـــل :
وانت طالع مع الدائري الشرقي مع مخرج البحـري ابتل اول مخرج حق البحري تعداه بعدها اطلع على الخدمه بيجيك شارع منور على
يمينك ذا حايـل التعاون ومقابلــه (( امتداده )) بالجهه الثانيه من طريق الجامعه حايل النزهه ..
الغــــــــــــــــــــديـــــــــــــــر :
(( غديــر الشمــال او شـارع مشــاكـ s ــس او شـارع مووسكوو
وطبعـا ذا الشـارع الهجووله يوميـه من بعـد 9 الليل وانت طالع ..
وانت طالع مع مخـرج (( 5 )) بالدايري الشمــالي
كأنك متجـه لبركســــــــــات .. ثـاني شـارع على يســارك منــــور ...
المــعذبيـــــــن 2000 :
امسـك طريـق الملك فهــد وطلـع على طريـق الجامــعه اول اشاره تعداها (( اشاره العليا لكزس ))
ابتـل شويــات بيجيك على اليميــن شـارع منوور هذا هو المعذبيـن .. ألي يخش فيه طاره البحري جووج ..
العليــا لكـــزس :
وانت جاي مع طريــق الملك فهــد اطلـع على طريـق الجامعـه مـع الأشاره يســار
(( انت الأن بشـارع العليـا العـام - حي المروج ))
بيجيك على اليميـن الحمــراني وعلـى يســارك تايوتا لكـزس عنـد هايبر بندا الســف .
ويعتبـر هذا الشارع المفضــل عند طارات الجمــوس ..
تميــــــــــ(( تسالي المروج )))ــــــر :
وانت بالعليا لكـزس خل الخطوط على يسارك ومدونالز يمينك ابتل
بيجيك نفق اطلع من فووق ومسك طريق الدائري الشمالي ..
بيجيك شارع الاول على يمينك منوور عليه ميد تعداه ..
الشــارع الثــاني .. الي عند عماره الوعلان ادخل يميـن هذا هو الشـارع وهو يقـع غرب (( شرطه العليـا )) ..
الزمــــرد :
امســــك الدائــري الشمــال وطلــع مـع مخـرج 6 وخلفك مخـرج 7 اطلـع يسـار مع اشاره المخـرج ..
امــش سيــدا (( درب الكرسيدا )) لين نهايه الشـارع اطلـع يميــن ...
وبتـل بطريق الجامعه لين مايجيك الشارع على يمينك منوور ومرصف ..
المستــوصـــــف :
امســــك الدائــري الشمــال وطلــع مـع مخـرج 6 وخلفك مخـرج 7 اطلـع يسـار مع اشاره المخـرج ..
امــش سيــدا (( درب الكرسيدا )) بيجيك على يمينك بعد قصر افراح شارع سيدين هذا هوو الشـارع ..
ســـانــــدرا :
وانـت ماشي بطريق الملـك عبــدالله
تعـدا اشاره الملك عبدالعزيز وكنك متجه لطريق العليـا امسك الخدمات
لين مايجيك على يمينك هرفــي الشـارع الي قبلــه ...
ساسكــو جووا :
اذا تعـديت مخـرج (( 5 )) ومتـجه لدرعيــه ..
بيجيك مخرج طريق الملك فهـد (( مخرج 4 ))
تعداه اذا تعديت مخرج 3 اللي هو التخصصي امسك على طول الخدمه يعني تصير بخدمه دايري ساسكو
اول شارع اصفر فيه أنوار ادخل معه وسيد لين تخلص الانوار يجيك ساسكو جوا
شارع الباصات :
موقعه : امسك الدائري الشمالي حتى يصير مخرج 7(مخرج جامعة الامام)خلفك ومخرج 6خلفك ثم ادخل مخرج 5 وادخل مع اشارة هذا المخرج يسار حتى تجيك اشاره ثم ادخل يمين ثم اطلع قدام حتى يجيك حرف تي ثم ادخل يسار ويعتبر امامك شارع الباص وهو شارع منور يعتبر هذا الشارع في حي " المروج "
شارع البراميل :
موقعه : امسك الدائري الشمالي حتى يصير مخرج 7(مخرج جامعة الامام) خلفك ومخرج 6 خلفك ومخرج 5(مخرج مدارس المملكة)خلفك حتى تجيك لوحة مكتوب عليها طريق القصيم ادخل معه يمين ثم اطلع فوق الجسر وتعتبر انت الان على خط القصيم ثم يجيك مخرج الاول وهو مخرج شارع الدفاع لاتدخله ثم اطلع قدام ويجيك المخرج الثاني وادخل مع هذا المخرج يمين ثم اطلع قدام ثم قدام ثم قدام ثم قدام حتى تشوف كامري لاحد المفحطين مقلوبه يعتبر هو الشارع وهو شارع مظلم يعتبر هذا الشارع في حي " الصحافة " ويفضل التفحيط به في النهار فقط
------------------------------------------------------------------------------------------------------------------------
الشــــــــــــــــــرق:
دايري السلي
امسك الدايري موجه مخرج 18 ادخل المخرج اذا دخلت سيييد الين تجيك اشاره اذا جتك الاشاره رح يسار تمام همن سيد اللين تجيك اشاره رح يمين همن سيييد يبي يجيك في وجهك تحويله اجباري تروح يمين اول ماتروح يمين اول لفه رح يسار بعدين سيييد يجي في وجهك حرف T رح يسار همن يمين همن سييد شارع مظلم اذا انتهى الشارع في وجهك طريق ردميه ادخل معه
بعدين رح يمين سيد تلقا الموكب واقف على اليسار وبس
السلي نادك
وأنت على الدائري الشرقي متجه للمطار يعني مخرج 17 ثمن مخرج 16 أطلع يمين أول أشاره سيده ثاني أشاره سيده ووعند ثالث أشاره يكون التشويط
غروب النسيم
نفس الطريق بس الأشاره الي يشوطون عندها سيده رابع أشاره سيده خامس أشاره أطلع يسار ومش ألين الأشاره ديور راح تلقى الشارع على ايدك اليمين كبير من دون اناره
أسطنبول السلي
وأنت على الدائري الشرقي مخرج 17 ثمن 16 أدخل مع 15 يمين أول أشاره سيده ثاني أشاره سيده وأول شارع سيدين ومنور كبير على اليمين هذا هو الشارع
دايري 18 أو بغداد السلي
وأنت جاي من دايري الجنوبي أطلع مخرج 18 أمش سيده أول أشاره سيده ثاني أشاره يكون التشويط
شارع المئوية :
امسك الدائري الشرقي ثم اجعل هذه المخارج 9و10و11و12و13و14 خلفك وادخل مع اشارة مخرج15يسار ثم تجيك اشارع ثانية ثم اطلع قدام ثم تجيك اشاره ثالثه اطلع قدام ثم يجيك لفة على اليمين شارع وسيع ومظلم هو الموقع .. يعتبر هذا الشارع في حي " السلي
شارع القصور :
مسك الدائري الشرقي ثم اجعل هذه المخارج 9و10و11و12و13 خلفك وادخل مع اشارة مخرج 14 يمين ثم تجيك اشارة ثانية خلك ماسك الخدمة ثم تجيك اشارة ثلاثة اطلع قدام وبعد ما تنتهي المحلات الموجودة على اليمين تجيك لفة تدخلك على حارة اوله مدخلها مظلم وقدام شوي منور ادخل معها واطلع قدام حتى يجيك جبل ترابي صغير ادخل يسار هذا هو شارع القصور .. يعتبر هذا الشارع في حي " الربوة "
شارع التربية :
مسك الدائري الشرقي ثم اجعل هذه المخارج 9و10و11و12و13 خلفك وادخل مع اشارة مخرج 14 وارجع ثاني مرة (يعني ديور) وخلك مساك الخدمة ثم يجيك شارع الحمراني لاتدخله امش قدام شوي ثم لف يمين مع شارع منور ومرصف ومشجر هو الموقع .. يعتبر هذا الشارع في حي " الريان "
شارع قف وناظر :
مسك الدائري الشرقي ثم اجعل هذه المخارج 9و10و11و12 خلفك وادخل مع مخرج 13 يمين وينزلك هذا المخرج على طريق خريص اول مخرج يجيك بعد ما تمسك طريق خريص ادخل معه وارجع ثاني مرة (يعني ديور) وامسك الخدمة تجيك محطة بنزين على اليمين هو الشارع الذي قبلها وهو شارع منور ومرصف ومشجر .. يعتبر هذا الشارع في حي " الروضة " هو مشهور بدوران شباب التفحيط ..
الشارع المظلم-الوادي :
مسك الدائري الشرقي الى مايجيك مخرج 11 اطلع من عند اشارة المخرج يمين وسيد تجيك اشاره تعدها ثاني اشاره لف يسار هذا المظلم والاشاره اللي قبلها اذا لفيت يسار هذا الوادي والشارعين متوازين
2000 (المنار):
وانت على طريق خريص سيد يجيك الين ماتجيك لوحه مكتوب(عبدالرحمن بن عوف - شرحبيل بن حسنه) اطلع مع المخرج وسيد يجيك معرض كبير على اليمين اسمه معرض الجود لف معه يمين هذا الشارع
الوديان(الروضه):
وانت على خريص يجيك لوحه مكتوب (خالد بن الوليد) اطلع معها وادخل يسارر على شارع انكاس اول اشار ه يصير الرياض مول على يمينك سيد تجيك ثاني اشاره سيد تجيك ثالث اشاره سيد يجيك مديور ديور معه يجيك تجيك على اليمين صيدلية القفاري ادخل بعده على طول يمين هذا هو الشارع..

شارع لعيونك(الروضه):
نفس التوصيف اللي قبل بس ثالث اشاره تدخل يمين وسيد تجيك اشاره سيد تجيك اشاره ثانيه بعد الاشاره شد العزم(يصير مجمع الامير سلمان على يمينك)
شارع يزيد عكس(الروضه)
وانت على شارع الحسن بن علي جاي من طريق خريص اول اشاره سيد ثاني اشاره (تجيك ملحمة الهلال<<<الله يكرم السامعين)على يمينك ادخل من عندها يمين وشد العزم
شارع الملاهي(الروضه):
وانت على شارع الحسن بن علي جاي من طريق خريص اول اشاره سيد ثاني اشاره (تجيك ملحمة الهلال<<<الله يكرم السامعين)على يمينك ادخل من عندها يمين سيد تجيك اشاره لف من عندها يسار الحين انت على شارع الملاهي
الشارع الأسود(الاندلس):
وانت على خريص يجيك لوحه مكتوب (خالد بن الوليد) اطلع معها وادخل يسارر على شارع انكاس اول اشار ه يصير الرياض مول على يمينك لف من عنده يمين وسيدددد تجيك اشاره ديور من عندها وامسك اليمين تجيك تموينات وعد على يمينك ادخل من عندها يمين الحين انت على الاسود. والحين حطو اشاره جديده طولت الشارع زياده يعني كفو الكفو
شارع هـــــشــــبـــــل(الروضه):
مسك الدائري الشرقي ثم اجعل هذه المخارج 9و10و11و12 خلفك وادخل مع مخرج 13 يمين وينزلك هذا المخرج على طريق خريص اول مخرج يجيك بعد ما تمسك طريق خريص ادخل معه وارجع ثاني مرة (يعني ديور) وامسك الخدمة يجيك شارع قف وناظر على يمينك سيد يجيك تجيك الطلعه اللب توديك للدايري اول حاره قبل الطلعه ادخل معها هذا شارع هشبل وهو مثل شارع القصور(حاره)
اربعين الربوه:
وانت ماسك الديري جاي من مخرج 10 و11 و12 والشله
ابتل لين يجيك مخرج15 ادخل مع المخرج همن رح يمين
ابتل طوالي تعدا محطة الدريس تجيك الاشارة رح معه يمين
يجيك محل ابو ريالين كبير اصفط عنده وابشر بعزك.
جوهرة الربوه:
اذا صرت في اربعين الربوة و صارت محلات الاتصالات على يمينك خذ الاشارة وديور
وابتل سيدا لين تجيك الاشارة الاولى سيد معه تجيك الاشارة الثانيه
سيد معه ابتل يجيك على اليمين مركز دوريات الشمال
خله وابتل سيدا لين يجيك حرفT رح معه يسار وابتل
لين آخر الشارع انت الحين بالجوهرة((جوهرة الربوة)).
شارع الثلاثين(الربوه):
مسك الدائري الشرقي ثم اجعل هذه المخارج 9و10و11و12و13خلفك وادخل مع اشارة مخرج 14 قدام ثم يجيك على اليمين مستودع دجاج الوطنية بعدها يجيك على اليمين شارع فرعي منور ومرصف ومشجر هو الموقع يعتبر" هو مشهور بدوران شباب التفحيط
شارع المعـــــــــــرفـــــــــــــه(الروضه):
اشاره لعيونك حقت قص المديور
رح من عندها يسار
سيد الين ما ياجيك شارع الكهرب و لف يمين
اذا لفيت يمين بتاجيك اربع مطبات بعدها ديور مع الشارع
وسيده الين ما تاجيك اشاره رح يمين
انت الحين بشارع المعرفه >وهو شارع قليل التفحيط فيه لاكن مشهورر بكثره الهجوله والدوراان
شارع الشرووووق وقف وناظر2(الروضه):
اذا دخلت شارع المعرفه رح سيده بتاجيك اشاره
رح بعد سيده الين ما تاجيك اشاره ثانيه تتقاطع مع طرريق الملك عبدالله
اذا رحت سيده بياجيك شارع الشرووق و اذا تبي شارع قف وناظر رح يمين من عند الاشاره
وسيده مع طريق الملك عبدالله اذا شفت مطعم ماما نوره اعرف انك على الطررريق الصحيح
المهم بتل سيده اللين ما تاجيك اشاره رح يسااار
بياجيك الشارع و من هنا يبد شد العزم
ثلاثين القصمان(النسيم)
وانت على طريق خريص وجهك شرق اطلع مع مخرج 28 سيد الين تجيك محطة الدريس على يمينك خش بعدها على طول يمين هذا ثلاثين قصمان
شارع الفكريه(الروابي)
وانت على احمد بن حنبل اول شارع على اليمين هو الفكريه (التفحيط فيه يكون بعد الساعه 12 الليل وحتى الفجر)
----------------------------------------------------------------------------------------------------------------------------

يا سلام عليك اخوي كروز

مابقيت مكان ما قلته

الله يعطيك العافيه ولا يحرمنا من جديدك

ههههههههههههههههه

ماشاء الله ما خليت ولا شارع
الله يهدي الشباب
ويبعدهم عن الهجوله ,,
تسلم يدينك اخوي كروز ,,

يسلمو اخووي

شكرااااااااااااااااااااااا

يسلممووو ولاهنت على الموضوع الرائع~